# ក្លាហាន
សួស្តី ថ្ងៃនេះខ្ញុំសូមណែនាំសៀវភៅល្អៗមួយដែលកំពុងពេញនិយម និងបានផ្លាស់ប្តូរជីវិតរបស់មនុស្សជាច្រើននាក់ ដែលមានចំណងជើងថា “ក្លាហាន”។
សៀវភៅនេះត្រូវបានប្រែសម្រួលពីសៀវភៅអង់គ្លេសចំណងជើងថា The Courage to Be Disliked ដែលនិពន្ធដោយជនជាតិជប៉ុនពីរនាក់ គឺ Ichiro Kishimi និង Fumitake Koga។ សៀវភៅនេះជាសៀវភៅលក់ដាច់មួយនៅក្នុងចំណោមសៀវភៅលក់ដាច់ផ្សេងទៀតនៅក្នុងបញ្ជី។
ក្លាហាន ជាសៀវភៅកសាងភាពរឹងមាំនៅក្នុងខ្លួនរបស់អ្នក។ នៅក្នុងសៀវភៅនេះ អ្នកនឹងរកឃើញអត្ថន័យពិតប្រាកដរបស់ពាក្យក្លាហានដែលនឹងធ្វើឱ្យអ្នកមានការភ្ញាក់ផ្អើលជាក់ជាមិនខានឡើយ។ ភាពក្លាហាន ជាពាក្យស្នូលនៅក្នុងសៀវភៅនេះ និងអាចនិយាយបានថា សៀវភៅនេះមិនអាចកើតឡើងបានឡើងបើគ្មានពាក្យ #ក្លាហាន។ គុណសម្បត្តិ មួយនេះផ្តល់អត្ថប្រយោជន៍គ្រប់យ៉ាងនៅក្នុងជីវិតរបស់យើង ដូច្នេះសៀវភៅនេះនឹងនាំអ្នកទៅកាន់ភាពក្លាហានពិតប្រាកដនោះ ជាភាពក្លាហានដែលមានភាពខុសប្លែកទាំងស្រុងពីទស្សនៈដែលអ្នកធ្លាប់មាន អ៊ីចឹងហើយទើបខ្ញុំលើកឡើងថា វានឹងធ្វើឱ្យអ្នកភ្ញាក់ផ្អើលមិនខាន។
ក្លាហាន នៅមានបង្កប់ទស្សនៈប្លែកៗផ្សេងទៀតរបស់ចិត្តវិទ្យាម្យ៉ាងដែលគេហៅថា Adlerian Psychology ។ វាជាទស្សនៈវិជ្ជាអស្ចារ្យមិនធ្លាប់បានឃើញទេដើម្បីអភិវឌ្ឍខ្លួន។ តាមរយៈសៀវភៅនេះ អ្នកនឹងរកឃើញថា ការរស់នៅនិងការរីកចម្រើនគឺតែងតែចាប់ផ្តើមពីខ្លួនឯងជានិច្ច ដូចមែនទែនទៅនឹងទស្សនៈព្រះពុទ្ធសាសនា។
ក្លាហាន មានចំណេះដឹងល្អៗច្រើនណាស់ដើម្បីទុកឱ្យអ្នកទៅសិក្សាស្រាវជ្រាវដោយខ្លួនឯងបន្តទៀត៕
ដោ នីដា(Dor Nida) 
Leave a comment